ఎక్సైజ్ సిఐ పద్మ
నర్సాపూర్. సెప్టెంబర్ , 27, ( జనం సాక్షి ) :
గంజాయి కలిగి ఉన్న ఓ వ్యక్తి ని అరెస్ట్ చేసినట్లు నర్సాపూర్
ఎక్సైజ్ సిఐ పద్మ తెలిపారు. మంగళవారం నాడు
ఎక్సైజ్ కార్యాలయంలో వివరాలు వెల్లడించారు. సమాచారం మేరకు ఎక్సైజ్ సిబ్బంది నర్సాపూర్ హైరాబాద్ వెళ్ళే మార్గంలో రూట్ వాచ్ నిర్వహిస్తుండగా నర్సాపూర్ సబ్ స్టేషన్ కు సమీపంలో అనుమానాస్పద స్థితిలో బైక్ పై వెళ్తున్న ఒకవ్యక్తి ని అదుపులోకి తీసుకుని విచారించగా అతని బైక్ ను తనిఖీ చేయగా అతని బైక్ లో
250 గంజాయి ఉన్నట్లు గుర్తించి అతన్ని అదుపులోకి తీసుకుని గంజాయి స్వాధీనం చేసుకుని
బైక్ ను సీజ్ చేసినట్లుగా తెలిపారు. నిందితుడి పేరు నిరుడి సాయి బాబా గా గుర్తించి అతనిపై ఎన్ డి పి ఎస్ కేసు నమోదు చేసి నట్లు తెలిపారు. దాడులలో ఎక్సైజ్ సిబ్బంది అరుణ, ఖాజ, అజీజ్ అమ్మద్,తిరుమలయ్యా, అనిల్, రామ కృష్ణ, ప్రభాకర్, సాయి కిరణ్ తదితరులు పాల్గొన్నారు.