రామకృష్ణాపూర్, (జనంసాక్షి): పట్టణం లోని భాగతసింగ్ నగర్ కాలనీ లో కొలువై ఉన్న గణనాధునికి మంగళవారం ప్రత్యేక పూజలు నిర్వహించారు. ఫ్రెండ్స్ గణేష్ మండలి ఆధ్వర్యంలో సాయంకాలం పూజానంతరం ప్రత్యేక దీపోత్సవం నిర్వహించారు. మహిళలు ప్రత్యేక భక్తి, శ్రద్ధలతో ఓంకార రూపం లో దీపాలు అమర్చి, దీపారాధన గావించారు. ఈ సందర్భంగా పూజారి రవి మాట్లాడుతూ లోక కళ్యాణార్థం ఈ దీపోత్సవం నిర్వహిస్తున్నట్లు, సర్వేజనా సుఖినో భావంతు అని ఆశీర్వచనాలు పలికారు. ఈ కార్యక్రమంలో గణేష్ మండలి ముఖ్యులు మాదాసు శంకర్, పతి రామయ్య, ముస్కె శంకరయ్య, పత్తి సత్యనారాయణ, మాదాసు శేఖర్, వెంకటేష్, యూత్ సభ్యులు వంశీ, పృద్వీ, ప్రశాంత్, కాలనీ వాసులు, మహిళలు, యువత, ఉత్సవ కమిటీ సభ్యులు తదితరులు పాల్గొన్నారు.