నల్గొండ : యాదగిరి గుట్ట అభివృద్ధిపై ముఖ్యమంత్రి కేసీఆర్ సమీక్ష ముగిసింది. యాదగిరిగుట్టలో ఇవాళ సీఎం కేసీఆర్ ఉన్నతాధికారులతో గుట్ట అభివృద్ధిపై సమీక్ష సమావేశం నిర్వహించారు. ఈ సమావేశాల్లో ఆలయ అభివృద్ధితో పాటు రహదారుల నిర్మాణం, భక్తుల సౌకర్యాల ఏర్పాట్లపై చర్చించారు. ఆగమశాస్త్రం ప్రకారమే ఆలయ అభివృద్ధి జరగాలని సీఎం అధికారులకు సూచించారు. రాబోయే బడ్జెట్‌లో గుట్ట అభివృద్ధికి రూ. 100 కోట్లు కేటాయిస్తామని సీఎం ప్రకటించిన విషయం విదితమే.
