మక్తల్ అక్టోబర్ 14 (జనంసాక్షి) అక్టోబర్ 14 ప్రపంచ గుడ్డు దినోత్సవ సందర్భంగా  ప్రభుత్వ ఆసుపత్రిలో లయన్స్ క్లబ్ ఆఫ్ మక్తల్ బీమా ఆధ్వర్యంలో సుమారు 50 మంది రోగులకు చెరో రెండు కోడి గుడ్లతో పాటు పౌష్టికాహారము అందించారు. ఈ సందర్భంగా లయన్స్ క్లబ్ అధ్యక్షుడు సూగురు జైపాల్ రెడ్డి మాట్లాడుతూ కోడి గుడ్డుతో అనేక ప్రయోజనాలు ఉన్నాయని అన్నారు. విటమిన్ *సి* తో పాటు అనేక పోషకాలు గుడ్డులో లభిస్తాయని అందుకే గర్భిణీలు బాలింతలు చిన్నారులతో పాటు ప్రతి ఒక్కరూ కోడిగుడ్డును ఆహారంలో భాగంగా చేసుకోవాలని సూచించారు. ఈ కార్యక్రమంలో లయన్స్ క్లబ్ అడ్మినిస్ట్రేటర్ అక్కల సత్యనారాయణ, సభ్యులు ఎమ్మార్ రామచంద్రప్ప, కట్ట వెంకటేష్ ,మామిళ్ళ పృథ్వీరాజ్ తదితరులు పాల్గొన్నారు.