జిల్లా పంచాయతీ అధికారి ఆశాలత

మహా ముత్తారం సెప్టెంబర్ 19( జనం సాక్షి) గ్రామంలో పరిశుద్ధ పరులు సక్రమంగా నిర్వహించే విధంగా చూడాలని జయశంకర్ భూపాలపల్లి జిల్లా పంచాయతీ అధికారి ఆశాలత అన్నారు. సోమవారం స్తంభంపల్లి(పి పి) గ్రామాన్ని సందర్శించి గ్రామంలో పారిశుద్ధ్య పనులు ప్రతిరోజు చేస్తా ఉన్న పనితీరును పరిశీలించారు. గ్రామంలో మురుగునీరు, చెత్తాచెదారం ఎక్కడ ఉండకుండా సిసి రోడ్ పై పేడా లేకుండా శుభ్రంగా ఉంచాలని పంచాయతీ కార్యదర్శి కి సూచించారు. సిసి రోడ్ పై పశువులు, ఎద్దుల బండ్లు, ఆటోలు, ట్రాక్టర్లు, ఉంచిన వారికి జరిమానా విధించాలని జరిమానా కట్టకుండా దిక్కరించిన వారి పేర్లు సంబంధించిన పోలీస్ స్టేషన్లకు పంపించాలని పంచాయతీ కార్యదర్శి గారికి తెలిపారు. గ్రామపంచాయతీ వారు చేస్తున్న పనులకు గ్రామ ప్రజలు సహకరించాలని తెలిపారు. మండల పంచాయతీ అధికారి మల్లికార్జున్ రెడ్డి, సర్పంచ్ జాడి రాజయ్య, పంచాయతీ కార్యదర్శి సంపత్, ఫీల్డ్ అసిస్టెంట్ కైరులబేగ్ పాల్గొన్నారు.