-సీజనల్ వ్యాధులు సోకకుండా జాగ్రత్తలు పాటించండి

-బీఎస్పీ మండల అధ్యక్షులు అజ్మీరా వెంకన్న

మహబూబాబాద్ బ్యూరో-జూలై17(జనంసాక్షి

గార్ల మండలంలోని అన్ని గ్రామాలలో ప్రజలపై దృష్టి సారించి సీజనల్ వ్యాధులు సోకకుండా గ్రామాల సర్పంచులు, కార్యదర్శులు జాగ్రత్తలు పాటించాలి బహుజన్ సమాజ్ పార్టీ గార్ల మండల అధ్యక్షులు అజ్మీరా వెంకన్న డిమాండ్ చేశారు. గత కొద్దిరోజులుగా కురుస్తున్న వర్షాలకు మురికి గుంతలు ఏర్పడి దోమల బెడదతో సీజనల్ వ్యాధులు సోకె అవకాశం ఉందని, తాగునీరు కలుషితమవకుండా ముందు జాగ్రత్తలు తీసుకోవాలని కోరారు. వర్షాలవల్ల రోడ్లు దెబ్బతిని రాకపోకలకు అంతరాయం ఏర్పడినచోట కనీస సౌకర్యాలు కల్పించాలని కోరారు. వైద్య నిమిత్తం గ్రామ ప్రజలకు వ్యాధులు ప్రబలకుండా ఏఎన్ఎం,ఆశా వర్కర్లు అందుబాటులో ఉంటూ ప్రజలకు జాగ్రత్తలు చెప్తూ ముందస్తు జాగ్రత్తలు తీసుకోవాలన్నారు. వర్షాలకు ఇల్లులు కూలి నివాసం కోల్పోయినవారిని సర్వే జరిపి ప్రభుత్వం నుంచి సహాయం అందించేలా చర్యలు తీసుకోవాలని వెంకన్న కోరారు.