జనంసాక్షి / చిగురుమామిడి – సెప్టెంబర్ 14:
మండల పరిషత్ సర్వసభ్య సమావేశం బుధవారం ఎంపీపీ కొత్త వినీత శ్రీనివాస్ రెడ్డి అధ్యక్షతన జరగగా ఈసమావేశానికి ముఖ్యఅతిథిగా ఎమ్మెల్యే వొడితల సతీష్ కుమార్ హాజరయ్యారు.ఈ సందర్భంగా ఎమ్మెల్యే మాట్లాడుతూ గ్రామాల అభివృద్ధి లక్ష్యంగా ప్రభుత్వం పనిచేస్తుందని అన్నారు.తాగునీటి సమస్యను పరిష్కరించుకోవడం జరిగిందని సాగునీటి సమస్యలు పరిష్కరించుకోవడం జరిగిందని అన్నారు.నియోజకవర్గంలో తాగునీటి కోసం 75 లక్షల లీటర్ల సంపును నిర్మించుకోవడం జరిగింది.ఎంతటి కరువు పరిస్థితులను అయినా ఎదుర్కునేందుకు ఈ సంపు ఉపయోగపడుతుందని అన్నారు.మన ఊరు మనబడి కార్యక్రమం ద్వారా సర్కార్ బడులను బాగు చేసుకోవడం జరుగుతుందని తెలిపారు.అనంతరం మండలంలోని లబ్ధిదారులకు ఆసరా పెన్షన్ మంజూరు పత్రాలను అందజేశారు. ఈ కార్యక్రమంలో జడ్పీటీసీ గికురు రవీందర్,ఎంపిడిఓ నర్సయ్య,మండల అధికారులు,సర్పంచులు, ఎంపీటీసీ లు,నాయకులు, తదితరులు పాల్గొన్నారు.