గ్రామాల అభివృద్ధికి గాంధీ మార్గమే ఆదర్శం
నంగునూరు, అక్టోబర్02(జనంసాక్షి):
దేశంలోని గ్రామాల అభివృద్ధికి గాంధీ మార్గమే ఆదర్శమని నంగునూరు మండలం మాజీ ఎంపీపీ జాప శ్రీకాంత్ రెడ్డి, నంగునూరు ప్యాక్స్ చైర్మన్ కోల రమేష్ గౌడ్,సిద్దన్నపేట మార్కెట్ యార్డ్ చైర్మన్ రాగుల సారయ్య అన్నారు. ఆదివారం నాడు గాంధీ జయంతి సందర్భంగా స్థానిక మండల కేంద్రంలో గాంధీ విగ్రహానికి పూల మాల వేసి అనంతరం ఎంపీడీవో కార్యాలయంలో గాంధీజీకి నివాళులర్పించారు. వారు మాట్లాడారు. తెలంగాణలో ప్రతి పల్లె ఎంతో అద్భుతంగా ప్రగతిని సాధిస్తూ అభివృద్ధి పథంలో ముందుకు దూసుకుపోతుందన్నారు. మహాత్మా గాంధీ చూపించిన సత్యం, అహింస, మార్గాలే దీనికి కారణం అన్నారు. దేశ ప్రజల బానిస సంకెళ్లు తెంపి ప్రతి మనిషికి స్వేచ్ఛ హక్కు కల్పించిన మహోన్నత వ్యక్తి గాంధీజని కొనియాడారు. కావున గాంధీ కళలు కన్న విధంగా యువత మద్య పానం, చెడు అలవాట్లకూ దూరంగా ఉంటూ రాష్ట్ర, దేశ ప్రగతికి బాటలు వేయాలని వారు కోరారు. ఈ కార్యక్రమంలో జాప శ్రీకాంత్ రెడ్డి, కోల రమేష్ గౌడ్, రాగుల సారయ్య, ఎంపీడీవో వేనుగోపాల్, బద్దిపడగ కృష్ణారెడ్డి, సిబ్బంది పాల్గొన్నారు.
Attachments area
