సూర్యాపేట టౌన్ (జనంసాక్షి): కృష్ణాష్టమి వేడుకలను శుక్రవారం స్థానిక నెహ్రూ నగర్ , 60 ఫీట్ల రోడ్ లోని జయ స్కూల్ క్యాంపస్ లలో ఘనంగా నిర్వహించారు.ఈ వేడుకలలో భాగంగా కృష్ణుడు, గోపికలు, రాధా వేషధారణలో చిన్నారులు ఆకట్టుకున్నారు.చేతిలో వేణువుని పట్టుకొని సందడి చేశారు.చిన్నారులు ఉట్టికొట్టి ఆడి పాడారు.సాంస్కృతిక కార్యక్రమాలు, ఆటపాటలతో నృత్యాలు చేశారు.ఈ సందర్భంగా స్కూల్ కరస్పాండెంట్ జయ వేణుగోపాల్ మాట్లాడుతూ విద్యార్థులు విద్యతో పాటు మన సంస్కృతి, సాంప్రదాయాల పట్ల అవగాహన కలిగి ఉండాలన్నారు.విద్యార్థులకు మన పండుగలు, పర్వదినాల గురించి తెలియజేసేందుకే ఈ వేడుకలు నిర్వహించామన్నారు.ఈ కార్యక్రమంలో స్కూల్ డైరెక్టర్లు బింగి జ్యోతి , జెల్లా పద్మ , ఉపాధ్యాయులు తదితరులు పాల్గొన్నారు