టేకులపల్లి, ఆగస్టు10( జనం సాక్షి) : టీఎస్‌ యూటీఎఫ్‌ ఆవిర్భావ దినోత్సవ వేడుకలను గురువారం టేకులపల్లి లో ఘనంగా నిర్వహించుకున్నారు. ఈ సందర్భంగా టీఎస్ యుటిఎఫ్ భద్రాది జిల్లా అధ్యక్షుడు భూక్యా కిషోర్ సింగ్ పతాకాన్ని ఆవిష్కరించారు. అనంతరం వారు మాట్లాడుతూ విద్య, ఉపాధ్యాయ రంగ సమస్యల పరిష్కారానికి చిత్తశుద్ధితో పోరాడిన ఏకైక సంఘం టీఎస్‌ యూటీఎఫ్‌ మాత్రమేనన్నారు. ప్రభుత్వం ఉపాధ్యాయ పదోన్నతులు, బదిలీలు చేపట్టి పీఆర్సీ, పెండింగ్‌ బకాయిలు చెల్లించాలని కోరారు.ఈ కార్యక్రమంలో జిల్లా ఉపాధ్యక్షురాలు వరలక్ష్మి, మండల అధ్యక్ష, ప్రధాన కార్యదర్శులు మంగతాయి, నరసింహారావు, మాన్సింగ్,రాంజీ, సుజాత, రాంచందర్, లక్ష్మణ్ తదితరులు పాల్గొన్నారు పాల్గొన్నారు.