ఘనంగా డా ఏపీజే అబ్దుల్ కలాం జయంతి దేశం గర్వించే ముద్దుబిడ్డ
సర్పంచ్ శ్రీపతిబాపు బాపు
మహదేవపూర్ అక్టోబర్ 15 ( జనంసాక్షి )
మహాదేవపూర్ మండల కేంద్రంలోని గ్రామ పంచాయతీ కార్యాలయం ఆవరణలో మాజీ రాష్ట్రపతి,భారతదేశ అణు శాస్త్రవేత్త డా”ఏపీజే అబ్దుల్ కలాం జయంతి వేడుకలు నిర్వహించడం జరిగింది.మహనీయుని చిత్రపటం వద్ద పుష్పాలతో సర్పంచ్ శ్రీపతిబాపు ఘనంగా నివాళులు అర్పించారు.భారతజాతి గర్వించదగిన విలక్షణ వ్యక్తిత్వం,నిరాడంబరమైన జీవనం కలిగిన మరుపురాని మహా మనిషి కలాం అని,స్వామి వివేకానంద తర్వాత అంతటి వ్యక్తి అబ్దుల్ కలాం అని,దేశంలోని యువత నే కాదు ప్రపంచంలోని విద్యార్థులకు ఆదర్శంగా ఆయన జన్మదినమైన అక్టోబర్ 15 న ప్రపంచ విద్యార్థుల దినోత్సవంగా జరుపుకుంటారని సర్పంచ్ శ్రీపతిబాపు అన్నారు.దేశభక్తికి నిలువెత్తు నిదర్శనమే కలాం జీవితం,ఆయన నడిచిన బాట మాట్లాడిన ప్రతి మాట స్ఫూర్తిదాయకం అని,కలాం కన్న కలలు సాకారం చేయ ప్రయత్నిద్దామని జిల్లా గ్రంథాలయ సంస్థ డైరెక్టర్ వెన్నంపల్లి మహేష్ అన్నారు.ఈ కార్యక్రమంలో మండల సీనియర్ నాయకులు పెండ్యాల మనోహర్,వార్డు సభ్యులు కడార్ల శంకర్ రామకృష్ణ,కోయల్ కార్ కృష్ణ,యువకులు,గ్రామస్థులు తదితరులు పాల్గొన్నారు
Attachments area
