రామకృష్ణాపూర్, (జనంసాక్షి) : తెలంగాణ జాతీయ సమైక్యత వజ్రోత్సవాల వేడుకలను క్యాతన్ పల్లి పురపాలక సంఘ కార్యాలయములో శనివారం ఘనంగా నిర్వహించారు. ఈ సందర్భంగా వైస్ చైర్ పర్సన్ అర్రం విద్యాసాగార్ రెడ్డి జాతీయ జెండాను ఎగురవేసి, వందనం సమర్పించారు. అనంతరం ఆయన మాట్లాడుతూ తెలంగాణ కోసం పోరాటాలు చేసి, ప్రాణాలు అర్పించిన వీరులను నిత్యం స్మరించుకోవాలని పిలుపునిచ్చారు. ఈ కార్యక్రమంలో మునిసిపల్ కమిషనర్ జి. వెంకట నారాయణ, కౌన్సిలర్లు పోగుల మల్లయ్య, అలుగుల శ్రీలత, పారిపెల్లి తిరుపతి, జాడీ శ్రీనివాస్, బోయినపల్లి అనిల్ కుమార్, కో-ఆప్షన్ సభ్యులు యాకూబ్ అలీ, మేనేజర్ కె. నాగరాజు, కార్యాలయ సిబ్బంది, మెప్మా రిసోర్స్ పర్సన్స్, పట్టణ ప్రజలు పాల్గొన్నారు.