*ఘనంగా పేరం రాజలింగయ్య74 వ జయంతి వేడుకలు*
కొడకండ్ల, సెప్టెంబర్03(జనం సాక్షి):
జనగామ జిల్లా కొడకండ్ల మండలంలోని ఎస్సీ కాలనీ ప్రాథమిక పాఠశాలలో బడుగు బలహీన వర్గాల ఆశాజ్యోతి పేదల పెన్నిధి స్వర్గీయ మాజీ ఎంపీపీ పేరం రాజలింగయ్య74 వ జయంతి సందర్భంగా కుమారుడు మార్కెట్ కమిటీ చైర్మన్ పేరం రాము అన్నదాన కార్యక్రమం నిర్వహించారు.ఈ సందర్భంగా వారు మాట్లాడుతూ పేరం రాజలింగయ్య రాజకీయంగా అంచలంచలుగా ఎదుగుతూ ఉమ్మడి వరంగల్ జిల్లాలో అనేక పదవులు నిర్వహించారని,ఒక బీసీ కులంలో పుట్టి రాజకీయంగా ఎదుగుతూ ఆనాటి చెన్నూరు నియోజవర్గంలో అన్ని మండలాలు కలియ తిరుగుతూ ఒక స్థాయికి ఎదిగిన నేత అని, ఆనాటి ఆంధ్రప్రదేశ్ ముఖ్య మంత్రి ఎన్టీ రామారావు, చంద్రబాబు నాయుడు, వైయస్ రాజశేఖర్ రెడ్డి పరిచయాలతో ఆయన రాజకీయం కొనసాగించాడని పలువురు కొనియాడారు.అనంతరం పాఠశాల ప్రధానోపాధ్యాయులు దోర్నాము ప్రభాకర్ మాట్లాడుతూ అన్నదానం దాత పేరం రాముకు కృతజ్ఞతలు తెలిపారు. ఈ కార్యక్రమంలో రాష్ట్ర పంచాయతీ రాజ్ కమిషన్ ఆఫ్ రూరల్ స్టేట్ డైరెక్టర్ దళిత రత్న అందె యాకయ్య, స్థానిక సర్పంచ్ పసునూరి మధుసూదన్, మార్కెట్ కమిటీ డైరెక్టర్ కుందూరు అమరేందర్ రెడ్డి,దేవస్థానం డైరెక్టర్ కుమార్,కోపరేట్ బ్యాంక్ డైరెక్టర్ విజయలక్ష్మి, గ్రామ పార్టీ అధ్యక్షులు వెంకటనారాయణ,ఉప సర్పంచ్ రమేష్, వార్డు సభ్యులు ఎండి షన్న, ఎలేంద్ర,తాపీ మేస్త్రీల మండల అధ్యక్షులు అందె య్యాకయ్య, మరియు అందె సోమయ్య, విద్యార్థులు, ప్రజలు తదితరులు పాల్గొన్నారు.
