బషీరాబాద్ జూలై 09,(జనం సాక్షి) బషీరాబాద్ మండల కేంద్రంలో అధికారం రోజున ఆషాడంలో బషీరాబాద్ గ్రామ ప్రజలు,భారీ ఎత్తున పోచమ్మ, మైసమ్మ దేవతలకు బోనాలు తీసి,నైవేద్యాలతో మొక్కులు చెల్లించుకున్నారు.ఈ సందర్భంలో మాజీ ఉపసర్పంచ్ సిద్ధార్థ మాట్లాడుతూ ప్రతి సంవత్సరం ఆషాడంలో జయంతి కాలనీ వాసులు బుడగజంగాలు బోనాలు తీసేవారని, ఈ సంవత్సరం మాజీ ఎమ్మెల్యే ఎం.నారాయణ రావు సహకారంతో,గ్రామ పెద్దలు,యువకులు కలిసి భారీ ఎత్తున గ్రామ మొత్తం పోచమ్మ మైసమ్మ దేవతలకు బోనాలు తీయాలని నిర్ణయించి తీశారని, అదేవిధంగా ప్రతి ఒక్కరు దేవునికి మొక్కులు చెల్లిస్తూ మా గ్రామ ప్రజలు సుఖ సంతోషాలతో ఉండాలని, వర్షాలు సకాలంలో కురిసి పాడి పంటలు పండాలని దేవతలను కోరుకున్నామని తెలిపారు. యువకులు ముందుకు వచ్చి మొదటిసారిగా బషీరాబాద్ గ్రామంలో ప్రతి ఒక్కరు కలిసి ఈ బోనాల పండుగను ఘనంగా జరుపుకున్నందుకు ప్రతి ఒక్కరు సంతోషం వ్యక్తం చేశారు.ఈ కార్యక్రమంలో ఎంపీపీ కరుణ అజయ్ ప్రసాద్, మాజీ సర్పంచ్ జేయమ్మ, బిఆర్ఎస్ నాయకులు పవన్ ఠాగూర్,సాయిలు గౌడ్ గురుస్వామి,అజయ్ ప్రసాద్, రాఘవేంద్ర చారి, నర్సిములు,అర్.పకీరప్ప, రమేష్ దాదా,శేఖర్ గౌడ్,గ్రామ పెద్దలు,ప్రజలు,యువకులు, తదితరులు పాల్గొన్నారు.