సూర్యాపేట టౌన్ (జనంసాక్షి):పట్టణ ఫోటో అండ్ వీడియో గ్రాఫర్స్ అసోసియేషన్ ఆధ్వర్యంలో శుక్రవారం ప్రపంచ ఫోటోగ్రఫీ దినోత్సవ వేడుకలను ఘనంగా నిర్వహించారు.ఈ వేడుకలలో భాగంగా ఫోటోగ్రఫీ పితామహుడు, లూయిస్ డాగురె చిత్రపటానికి పూలమాలలు వేసి ఘనంగా నివాళులర్పించారు.పట్టణ అధ్యక్షుడు కొచ్చర్ల రవి ఆధ్వర్యంలో ఆలేటి ఆటమ్ లో పండ్లు, బ్రెడ్ పంపిణీ చేశారు.ఈ సందర్భంగా ఆ సంఘ రాష్ట్ర ప్రధాన కార్యదర్శి రాపర్తి శ్రీనివాస్ గౌడ్ మాట్లాడుతూ ఫోటోగ్రాఫర్స్ అందరూ ఐక్యతతో ఉండాలన్నారు.ఎవరికి ఏ సమస్య వచ్చిన సంఘము ద్వారా పరిష్కరించుకోవాలని సూచించారు.వెయ్యి మాటల కన్నా ఒక ఫోటో మిన్న అని పేర్కొన్నారు.కాలగర్భంలో కలిసిపోతున్న చరిత్రను చూపించే సజీవ సాక్ష్యం ఫోటో అన్నారు.ఈ కార్యక్రమంలో రాష్ట్ర కార్యదర్శి గుణగంటి సురేష్ గౌడ్, జిల్లా అధ్యక్షులు కూకుట్ల లాలయ్య ,నాయకులు మహమ్మద్ పాషా,మాధురి నగేష్ , నందిపాటి సైదులు,నెల్లుట్ల రవి , తుమ్మకొమ్మ మధు, నాశబోయిన భరత్, సిగ జానీగౌడ్,దాసరి దుర్గారావు, క్రాంతి , యశ్ పాల్ రెడ్డి, అరిగే నరేష్ తదితరులు పాల్గొన్నారు.