చొప్పదండి, ఆగస్టు 19 (జనం సాక్షి) :చొప్పదండి పట్టణంలో మండల ఫోటో అండ్ వీడియో గ్రాఫర్ అసోసియేషన్ ఆధ్వర్యంలో ప్రపంచ ఫోటోగ్రఫీ దినోత్సవ వేడుకలను ఘనంగా నిర్వహించారు .పట్టణంలోని తెలంగాణ చౌరస్తా వద్ద నిర్వహించిన వేడుకలకు ఎస్సై ఉపేంద్ర చారి హాజరై కేక్ కట్ చేసి స్వీట్లు పంపిణీ చేశారు .ఈ సందర్భంగా ఎస్సై మాట్లాడుతూ గతంలో జరిగిన సంఘటనలను ,చిన్ననాటి మధుర స్మృతులను నెమరు వేసుకునేందుకు అద్దం పట్టేదిగా ఫోటోగ్రఫీ ఎంతగానో ఉపయోగపడుతుందని అన్నారు .ఫోటోగ్రఫీ రంగంపై ఎందరో యువకులు ఆధారపడి జీవిస్తున్నారని, నేటి ఆధునిక యుగంలో వస్తున్న సాంకేతిక పరిజ్ఞానాన్ని ఫోటోగ్రాఫర్లు సద్వినియోగం చేసుకుని స్థిరపడాలని సూచించారు. కార్యక్రమంలో ఫోటో అండ్ వీడియో గ్రాఫర్స్ అసోసియేషన్ అధ్యక్షుడు బొడిగె అజయ్ కుమార్, ఉపాధ్యక్షుడు నాంపల్లి నరేష్, ప్రధాన కార్యదర్శి తెలుకుంట్ల వేణు, కోశాధికారి సామల కిషోర్, ప్రచార కార్యదర్శి పెద్దెల్లి శ్యామ్, సభ్యులు సిరిపురం శ్రీనివాస్, తాటిపల్లి శివ, సామనపల్లి సుధాకర్, గంధం సుమన్, అనుమాండ్ల మహేష్ ,సింహాచలం కన్నా, నెల్లి శేఖర్, బత్తిని రమేష్, పడకండటి రాజు ,పంజాల సురేష్, శేఖర్, బుర్ర వంశీ, శంకర్, మామిడాల చింటూ తదితరులు పాల్గొన్నారు.