చేర్యాల (జనంసాక్షి) ఆగస్టు 19 : ప్రపంచ ఫోటోగ్రఫీ దినోత్సవ వేడుకలను పురస్కరించుకుని చేర్యాల మండల కేంద్రంలోని ఫోటో, వీడియో గ్రాఫర్స్ అసోసియేషన్ ఆధ్వర్యంలో శనివారం కొత్త బస్టాండ్ నుండి వీరభద్ర సినిమా థియేటర్ వరకు బైక్ ర్యాలీ నిర్వహించారు. అనంతరం కెమెరా సృష్టికర్త థాయిస్ డాకురే చిత్రపటానికి పూలమాల వేసి నివాళులర్పించారు. ఈ సందర్భంగా పలువురు మాట్లాడుతూ.. ఫోటోగ్రాఫర్లకు జీవన వృత్తి కల్పించిన గొప్ప వ్యక్తి థాయుస్ డాకురే అని వారు చేసిన కృషితోనే తమ కుటుంబాలు ఈ స్థాయికి వచ్చామని ఆయన గొప్ప తనాన్ని కొనియాడారు. ఈకార్యక్రమంలో గౌరవ అధ్యక్షులు కూరపాటి మధుసూదన్, కడుదూరి మహేందర్ రెడ్డి, రాజగిరి గోవర్ధన్, కమిటీ అధ్యక్షులు గుడాల రాజు, కార్యదర్శి ఇప్పకాయల పవన్, కోశాధికారి కోయినేని శ్రీనివాస్, ఉపాధ్యక్షులు కొంపల్లి శ్రీనివాస్, సహాయ కార్యదర్శి మేడబోయిన రాజు, సహాయ కోశాధికారి గుడ్ల రవి, కార్యవర్గ సభ్యులు జర్నలిస్టు తాడెం యాదగిరి, నర్సింగరావు, మురళి, తదితరులు పాల్గొన్నారు.