సర్పంచ్ నిరోష మంగీలాల్ నాయక్ దంపతులకు సన్మానం

టేకులపల్లి, అక్టోబర్ 8( జనం సాక్షి ): టేకులపల్లి మండల కేంద్రంలో శ్రీ కోదండ రామాలయంలో గోలియా తండ గ్రామపంచాయతీ సర్పంచ్ బోడ నిరోష మంగీలాల్ నాయక్ ఆధ్వర్యంలో బతుకమ్మ సంబరాలు శ్రీ కనకదుర్గా దేవి శరన్నవరాత్రి ఉత్సవాలు ఉత్సవ కమిటీ వారితో ఎంతో ఘనంగా నిర్వహించారు . విద్యుత్ కాంతులతో డిజె సౌండ్ లతో అంగరంగ వైభవంగా కోలాట నిర్వహణ మహిళలు ఎంతో ఉత్సాహంగా ఎలాంటి అవాంఛనీయ సంఘటనలు చోటు చేసుకోకుండా స్థానిక సీఐ ఆన్తోటి వెంకటేశ్వరరావు ఎస్సై భూక్య శ్రీనివాస్ పర్యవేక్షణలో బతుకమ్మ సంబరాలు శ్రీ కనకదుర్గాదేవి పూజలు ఊరేగింపు నిమజ్జన కార్యక్రమం ప్రశాంతంగా జరిగాయి . శనివారం శ్రీ కోదండ రామాలయం లో ప్రత్యేకంగా బతుకమ్మ సంబరాలు, దేవీ నవరాత్రుల ముగింపు వేడుకలు నిర్వహించారు .ఈ సందర్భంగా బతుకమ్మ సంబరాలు దేవీ నవరాత్రుల నిర్వహణకు సర్పంచ్ నిరోషా మంగీలాల్ నాయక్ మొదటి రోజు నుండి నిమజ్జనం వరకు ఎంతో కృషి చేసి బతుకమ్మ సంబరాలు శ్రీ కనకదుర్గ దేవి శరణవరాత్రి ఉత్సవాలను విజయవంతం చేసినందుకు ఉత్సవ కమిటీ నిర్వాహకులు గ్రామ పెద్దలు వారిని ఘనంగా సన్మానించారు. అనంతరం బతుకమ్మ సంబరాలకు సహకరించిన దాతలకు, వాలంటీయర్స్ కు,అమ్మవారి ఊరేగింపులో పాల్గొన్న కోలాటం డాన్సర్స్ మహిళలకు బహుమతుల ప్రధానోత్సవ చేశారు. ఈ కార్యక్రమం లో గుడిపూడి మోహన్ రావు, గుడిపూడి సత్యనారాయణ, నోముల భాను చందర్, రాయల ప్రశాంత్,మహిళలు జి లక్ష్మి, ఆకారపు స్వప్న, బోడ జ్యోతి, ఆ మెడ రేణుక, బండ్ల రజిని, కేసా పద్మజ, కవిత, సత్యవాణి, అనురాధ, గౌతమీ తది తరులు పాల్గొన్నారు.