ఘనంగా సర్దార్ సర్వాయి పాపన్నగౌడ్ 373 జయంతి వేడుకలు
ఏటూరునాగారం(జనంసాక్షి)ఆగస్టు18.
మండల కేంద్రంలో శుక్రవారం సర్ధార్ సర్వాయి పాపన్నగౌడ్ 373వ, జయంతి వేడుకలను గౌడ సంఘం సభ్యులు ఘనంగా నిర్వహించారు. పాపన్న గౌడ్ చిత్ర పటానికి పూలమాల వేసి నివాళులు అర్పించారు.
ఈ సందర్భంగా గౌడ సంఘం సభ్యులు మాట్లాడుతూ తెలంగాణ రాష్ట్ర ప్రభుత్వం అందిస్తున్న బిసి బంధు తమ గౌడ సంఘానికి కూడా అందజేయాలని, మండల కేంద్రంలోని సర్ధార్ సర్వాయి పాపన్న గౌడ్ విగ్రహానికి,గౌడ సంఘం భవనానికి స్ధలాన్ని, తాటి,ఈత చెట్ల పెంపకానికి ఐదు ఎకరాల ప్రభుత్వం భూమి కేటాయించాలని కోరారు. సర్దార్ పాపన్న గౌడ్ పోరాటయోధుడని యుద్ధ వీరుడు మొఘల్ సైన్యాన్ని ఓడించిన మహావీరుడు బడుగు బలహీన వర్గాల ఆశాజ్యోతి గోల్కొండ కోటను ఏలిన చక్రవర్తి సర్దార్ సర్వాయి పాపన్న గౌడ్. ఆమహనీయుని అడుగుజాడల్లో నడుద్దాం అని అన్నారు. ఈ అనంతర సంఘం నాయకులు ప్రభుత్వ హాస్పటల్ నందు రోగులకు పండ్లు పంపిణీ చేశారు. ఈ కార్యక్రమంలో గౌడ సంఘం అధ్యక్షులు తాళ్లపెళ్లి నరేందర్ గౌడ్,ఉపాధ్యక్షులు గడ్డం మహేశ్ గౌడ్,మాజీ అధ్యక్షులు గడ్డం రాజమౌళి గౌడ్,సప్పిడి రామనర్సయ్య గౌడ్,గడ్డం సదానందం గౌడ్,చంద్రమౌళి గౌడ్,మోడెం రమేష్ గౌడ్,మండల అధ్యక్షులు కూనూర్ అశోక్ గౌడ్,కూనూర్ మహేష్ గౌడ్,ముంజ రాజేందర్ గౌడ్,గడ్డం ప్రసాద్ గౌడ్, సంతోష్ గౌడ్, సప్పిడి రాము గౌడ్,తాళ్లపెళ్లి గోపి గౌడ్,సంపెట దామోదర్ గౌడ్, నాగపూరి వంశీ గౌడ్,గడ్డం భిక్షపతి గౌడ్, సంతోష్ గౌడ్,కొండల్ గౌడ్,మోడెం చందు గౌడ్,బూర సునీల్,సతీష్,సదానందం,కుమార్,విజయ్,రొయ్యల రంజిత్,కొయ్యల సతీష్, మెరుగు మొగిలి,చరణ్, గడ్డం మహేష్,రమేష్,గడ్డం సాధానందంగౌడ్,తదితరులు పాల్గొన్నారు
