చొప్పదండి, ఆగస్టు 15 (జనం సాక్షి ):చొప్పదండి మండలంలో మంగళవారం 77వ స్వాతంత్ర దినోత్సవ వేడుకలను ఘనంగా నిర్వహించారు .పట్టణంలోని తహసిల్దార్ కార్యాలయంలో తహసీల్దార్ నరేందర్, పోలీస్ స్టేషన్ లో సిఐ రవీందర్ ,మండల పరిషత్ కార్యాలయంలో ఎంపీపీ చిలుక రవీందర్, మున్సిపల్ కార్యాలయంలో మున్సిపల్ చైర్ పర్సన్ గుర్రం నీరజ, సింగిల్ విండో కార్యాలయంలో సింగిల్ విండో చైర్మన్ వెల్మ మల్లారెడ్డి, వ్యవసాయ మార్కెట్ కార్యాలయంలో మార్కెట్ కమిటీ చైర్మన్ గడ్డం చుక్కారెడ్డి, జవహర్ నవోదయ విద్యాలయంలో ప్రిన్సిపల్ మంగతాయారు లు జాతీయ జెండాను ఎగరవేశారు. ఆయా పార్టీల మండల, పట్టణ శాఖ అధ్యక్షులు ఆయా పార్టీ కార్యాలయంలో జాతీయ జెండా ఎగరవేశారు. మండలంలోని గ్రామపంచాయతీలలో సర్పంచులు, ప్రభుత్వ ప్రైవేటు పాఠశాలలో ఆయా పాఠశాలల ప్రధానోపాధ్యాయులు, కరస్పాండెంట్లు జాతీయ జెండా ఎగురవేసి స్వాతంత్ర దినోత్సవ వేడుకలలో పాల్గొన్నారు. కార్యక్రమంలో సర్పంచులు, ఎంపీటీసీలు, కౌన్సిలర్లు ,మండల అధికారులు పాల్గొన్నారు