నల్లబెల్లి ఆగస్టు 13( జనం సాక్షి):

 75వ స్వాతంత్ర భారత వజ్రోత్సవాల్లో భాగంగా మండల కేంద్రంలోని ఎంపీడీవో కార్యాలయం నుండి బస్టాండ్ కూడలి వరకు స్వాతంత్ర భారత విజయోత్సవ ఫ్రీడమ్ ర్యాలీని శనివారం ఘనంగా నిర్వహించారు. ముందుగా ఎంపీడీవో కార్యాలయం వద్ద ఎంపీపీ ఊడుగుల సునీత, ఎంపీడీవో విజయ్ కుమార్, తహసిల్దార్ మంజుల, ఎస్సై రాజారాం సంయుక్తంగా జెండా ఊపి విజయోత్సవ రాలిని ప్రారంభించారు. వివిధ శాఖలకు సంబంధించిన అధికారులు, విద్యార్థులు, యువకులు, ప్రజలు జాతీయ జెండాతో ర్యాలీలో పాల్గొన్నారు. ఈ సందర్భంగా ఎంపీపీ మాట్లాడుతూ భారతదేశ స్వాతంత్రం కోసం ఎంతోమంది వీరులు తమ ప్రాణాలను సైతం త్యాగం చేశారని గుర్తు చేశారు. అలాంటి వారి ఆశయాల కోసం మనమందరం కృషి చేయాలని తెలిపారు. ఈ కార్యక్రమంలో స్థానిక సర్పంచ్ రాజారాం, ఎంపీటీసీ జన్ను జయరాం, అంబరకొండ రాజు, ఆకుల సాంబారు తదితరులు పాల్గొన్నారు.