హైదరాబాద్: చందానగర్ లో నలుగురు బాలికలు ఐదు రోజుల క్రితం అదృశ్యమయ్యారు. నేటి కీ వారి ఆచూకీ లభ్యం కాలేదు. దీంతో తల్లిదండ్రులు తీవ్ర భయాందోళనకు గురౌతున్నారు. వీళ్లు పన్నెండేళ్ల నుండి ఎనిమిదేళ్ల వయసున్న బాలికలు. నాలుగు రోజుల క్రితం ఆడుకుంటామని భయకటకు వెళ్లిన వీరు మళ్లీ ఇంటికి తిరిగిరాలేదు. వీరికోసం గాలించిన తల్లిదండ్రులు ఈ నెల 17న పోలీసులకు ఫిర్యాదు చేశారు. దీంతో పోలీసులు కేసు నమోదు చేసుకుని విచారణ చేపట్టారు. బంధువుల ఇంటికి కూడా వెళ్లలేదు అని తెలిసుకున్న పోలీసులు స్థానికంగా ఉన్న సీసీ కెమెరా ఫుటేజీలను పరిశీలిస్తున్నారు. ఇప్పటికీ వారి ఆచూకీ లభించకపోవడంతో తల్లిదండ్రులు ఆందోళన వ్యక్తం చేస్తున్నారు.
