చేవెళ్ళ అక్టోబర్ 10 (జనంసాక్షి) మండల కేంద్రంలోని కెజిఆర్ గార్డెన్ లో స్థానిక ఎమ్మెల్యే కాలే యాదయ్య అధ్యక్షతన నూతన మార్కెట్ కమిటీ పాలకవర్గ ప్రమాణ స్వీకారోత్సవం సోమవారం జరిగింది. ఈ కార్యక్రమానికి ముఖ్యఅతిథిగా విద్యాశాఖ మంత్రి సబితా ఇంద్రారెడ్డి హాజరయ్యారు. ఈ సందర్భంగా వారు మాట్లాడుతూ… ప్రతి మండలానికి ఒక మార్కెట్ కమిటీలు తెచ్చిన ఘనత ఎమ్మెల్యే యాదయ్యదేనని అన్నారు. కేసీఆర్ ప్రభుత్వం పై బీజేపీ నేతలు  దండయాత్ర చేస్తుందన్నారు. కేసీఆర్ పాలనలో ఉన్న పథకాలు, కేంద్రంలో అమలు చేస్తున్నారా అంటూ ఈ సందర్బంగా వారు బిజెపిని ప్రశ్నించారు. కుల,మతాల మధ్య చిచ్చుకు బీజేపీ ప్రయత్నిస్తుందన్నారు. మూఢ క్షుద్ర పూజల్లో మునిగిన బండి సంజయ్ కుమార్ కి మతి భ్రమించిందన్నారు. ఈ కార్యక్రమంలో భాగంగా

స్థానిక శాసనసభ్యులు కాలే యాదయ్య మాట్లాడుతూ… రైతులకు చేరువై ప్రజలు మెచ్చే పని చేయాలని నియమితులైన నూతన పాలకవర్గానికి హితవు పలికారు. ఈ సందర్భంలో మార్కెట్ కమిటీ చైర్మన్, వైస్ చైర్మన్ లతో పాటు డైరెక్టర్లకు శాలువాలు కప్పి సన్మానించారు. అనంతరం నూతనంగా బాధ్యతలు స్వీకరించిన మిట్ట వెంకట రంగారెడ్డి మాట్లాడుతూ… ఎల్లప్పుడూ రైతులకు అందుబాటులో ఉంటానని భరోసా ఇచ్చారు. నాపై నమ్మకంతో ఈ బాధ్యతను అప్పగించినందుకు మంత్రి సబితా ఇంద్రారెడ్డి కి ఎమ్మెల్యే కాదయ్యకు కృతజ్ఞతలు తెలిపారు.

నూతన మార్కెట్ కమిటీ పాలకవర్గ సభ్యులు వైస్ చైర్మన్ గా తలారం గ్రామానికి చెందిన బేగరి నర్సింలు, డైరెక్టర్లు గా బూర్ల సుమలత, బి.మహేష్, టీ. వెంకటయ్య, ఎంకమొళ్ళ కృష్ణ, కె. తిరుపతిరెడ్డి, జి. కరుణాకర్ రెడ్డి, ముధవార్ కృష్ణ నాయక్, ఎండి ఫయాజుదిన్, ఎస్ శ్రీనివాస్ గౌడ్, ఆర్. వెంకటేష్, కే. సతీష్ కుమార్, ఎం.చంద్రశేఖర్ రెడ్డి, ఎడి రమాదేవి, ఎన్నికయ్యారు. ఈ కార్యక్రమంలో ఎంపీపీ విజయలక్ష్మి రమణా రెడ్డి,  జెడ్పిటిసి మాలతి కృష్ణారెడ్డి, డిసియం ఎస్ చైర్మన్ పట్లోళ్ల కృష్ణారెడ్డి, మండల అధ్యక్షులు పెద్దలు ప్రభాకర్, బి రామ్ రెడ్డి, ఇబ్రహీం పల్లి సర్పంచ్ ఎన్ను మంజుల జంగారెడ్డి, పామేన సర్పంచ్ మల్లారెడ్డి, దేవరపల్లి సర్పంచ్ నరహరి రెడ్డి, ముడిమ్యాల సర్పంచ్ స్వర్ణలత దర్శన్, వైస్ ఎంపీపీ కర్నే శివప్రసాద్, టిఆర్ఎస్వి నాయకులు నరేందర్ గౌడ్, పౌరసరఫరాల డైరెక్టర్  రవీందర్, వివిధ గ్రామాల సర్పంచ్ ఎంపీటీసీలు కార్యకర్తలు  పాల్గొన్నారు.