బోయిన్ పల్లి జూలై 21 (జనం సాక్షి) రాజన్న సిరిసిల్ల జిల్లా బోయినపల్లి మండలం దేశాయిపల్లి గ్రామానికి చెందిన నిమ్మ వినోద్ రెడ్డి ని చొప్పదండి నియోజకవర్గ యువజన కాంగ్రెస్ ఉపాధ్యక్షులుగా నియమిస్తూ కరీంనగర్ జిల్లా యువజన కాంగ్రెస్ అధ్యక్షులు పడాల రాహుల్ ఉత్తర్వులు జారీ చేశారు.గంగాధర మండల కేంద్రంలోని కాంగ్రెస్ పార్టీ ప్రజా కార్యాలయంలో నియామక పత్రాన్ని టీపీసీసీ అధికార ప్రతినిధి, చొప్పదండి నియోజకవర్గ కాంగ్రెస్ పార్టీ ఇంచార్జ్ మేడిపల్లి సత్యం నిమ్మ వినోద్ రెడ్డి కి అందజేశారు.
తన నియామకానికి సహకరించిన యువజన కాంగ్రెస్ రాష్ట్ర అధ్యక్షులు శివసేన రెడ్డి,మాజీ ఎంపీ పొన్నం ప్రభాకర్ , చొప్పదండి నియోజకవర్గ కాంగ్రెస్ పార్టీ ఇంచార్జ్ మేడిపల్లి సత్యం , యువజన కాంగ్రెస్ జిల్లా అధ్యక్షులు పడాల రాహుల్ , యువజన కాంగ్రెస్ నియోజకవర్గ అధ్యక్షులు ముత్యం శంకర్ లకు కృతజ్ఞతలు తెలియజేశారు.
అనంతరం నిమ్మ వినోద్ రెడ్డి మాట్లాడుతూ నియోజకవర్గంలో యువజన కాంగ్రెస్ బలోపేతం చేయటంతో పాటు యువత సమస్యల మీద నిరంతరం పోరాడుతనని అలాగే నియోజకవర్గంలో కాంగ్రెస్ పార్టీ గెలుపు కోసం కృషి చేస్తానని తెలిపారు.