ఎంపీడీవో గార్లపాటి జ్యోతిలక్ష్మి

మిర్యాలగూడ అక్టోబర్ 7 జనం సాక్షి : జాతీయస్థాయిలో గ్రామపంచాయతీలకు అభివృద్ధిపదం పై ఇవ్వనున్న అవార్డుల కోసం శుక్రవారం మిర్యాలగూడ మండల పరిషత్ సమావేశ మందిరంలో ఎంపీడీవో గార్లపాటి జ్యోతిలక్ష్మి అధ్యక్షతన పంచాయతీ కార్యదర్శులతో సమీక్షాసమావేశాన్ని నిర్వహించారు. మిర్యాలగూడ మండలంలోని 46 గ్రామపంచాయతీలలో ఆరోగ్య, ఉపాధి హామీ పథకం, కేంద్ర, రాష్ట్ర ప్రభుత్వ నిధులతో జరిగిన అభివృద్ధి పనులపై వివిధ శాఖల పనులు అభివృద్ధి పై సమగ్రముగా సమీక్ష సమావేశాన్ని నిర్వహించి, వివరాలను సేకరించారు. గ్రామపంచాయతీ వారిగా సేకరించిన అభివృద్ధి పనుల సమాచారాన్ని జిల్లా పరిషత్ సీఈవో, డిపిఓలకు పంపనున్నారు. ఈ సమావేశంలో ఎం పి ఓ వీరారెడ్డి ఎపిఓపి శిరీష గ్రామపంచాయతీల కార్యదర్శులు తదితరులు పాల్గొన్నారు.