కమ్మర్పల్లి17సెప్టెంబర్(జనంసాక్షి)

కమ్మర్పల్లి మండలంలోని హాసకొత్తూర్ గ్రామంలో 75వ జాతీయ సమైక్యత వజ్రోత్సవాలలో  భాగంగా గ్రామ పంచాయతీ కార్యాలయంలో సర్పంచ్ ఏనుగు పద్మ రాజేశ్వర్  జాతీయ పతాకాన్ని ఆవిష్కరించడం జరిగింది. అనంతరం గాంధీ విగ్రహం వద్ద స్వతంత్ర సమరయోధుడు శ్రీ ముత్యాల హనుమంత్ రెడ్డి (94) గారిని గ్రామ సర్పంచ్ ఎనుగు పద్మా రాజేశ్వర్, గ్రామపంచాయతీ పాలకవర్గ సభ్యులందరూ శాలువా,మేమొంటోతో ఘనంగా సన్మానించడం జరిగింది. ఈ సందర్భంగా సర్పంచ్ మాట్లాడుతూ దేశం కోసం పోరాడినటువంటి మహానుభావులు మన గ్రామంలో జన్మించడం ఎంతో అభినందనీయమని ఇటువంటి నాయకుల అడుగుజాడల్లో మనమందరం నడుచుకుంటే గ్రామాలు దేశాలు అభివృద్ధి పథంలో నడుస్తాయని ఆయన స్ఫూర్తిని కొనియడారు విద్యార్థులు ఇప్పటినుండి దేశభక్తిని అలవర్చుకోవాలని పిలుపునిచ్చారు.ఈ కార్యక్రమంలో ఉప సర్పంచ్ ఏనుగు రాజేశ్వర్ వార్డు సభ్యులు శ్రావణ్, లక్ష్మి ,నవీన్, నాగేశ్వర్ ,మాజీ సర్పంచ్ కిషన్ గౌడ్,గంగాదర్,పీజీ జూనియర్ అసిస్టెంట్ గంగాధర్ ప్రధానోపాధ్యాయులు కృష్ణ కుమార్ ఉపాధ్యాయుల బృందం, మమత, ఆశా వర్కర్లు అంగన్వాడీ టీచర్లు విద్యార్థిని విద్యార్థులు గ్రామస్తులు తదితరులు పాల్గొన్నారు.