పరిగి రూరల్, అక్టోబర్ 17, ( జనం సాక్షి ):

మన జిల్లాతోపాటు రాష్ర్ట స్థాయిలో ప్రతిభ కనబరిచిన మీరు జాతీయ స్థాయిలో గెలవాలని పరిగి ఎమ్మెల్యే ఎమ్మెల్యే కొప్పుల మహేశ్ రెడ్డి అన్నారు. వికారాబాద్ జిల్లా పరిగి డివిజన్ దోమ మండలం దిర్సంపల్లీ గ్రామానికి చెందిన జిల్లా పరిషత్  ఉన్నత కపాఠశాలలో చదువుతున్న విద్యార్థులు ఖోఖోలో రాష్ర్ట స్థాయి ప్రతిభ  కనబరిచారు. ఈ విద్యార్థులను పరిగి ఎమ్మెల్యే కొప్పుల మహేశ్ రెడ్డి సోమవారం అభినందించారు. అనంతరం ప్రతిభ కనబరిచని విద్యార్థులు

పి.మధుప్రియ,డి.వైశాలి,పి.సాయి సృజన్, కే.భరత్ కుమార్  విద్యార్థులకు రూ. 5 వేల నగదు, స్పోస్ట్స్ షూజ్ అందజేశారు. ఈ సందర్బంగా పరిగి ఎమ్మెల్యేకొప్పుల మహేశ్ రెడ్డి మాట్లాడుతూ విద్యతోపాటు క్రీడల్లో రాణిస్తే  క్రీడాకారులకు మంచి భవిష్యత్తు ఉంటుందన్నారు. మన  వికారాబాద్ జిల్లా ప్రతిభను జీతీయ స్థాయిలో కనబరచాలని విద్యార్థులకు  సూచించారు. ఈ కార్యక్రమంలో దోమ జెడ్పీటీసీ కొప్పుల నాగి రెడ్డి, పరిగి పీఏసీఎస్ వైస్ చైర్మన్ శివన్నళ్ల భాస్కర్,  ఎంఈఓ హరిశ్చందర్, మాణిక్యం, దిర్పంపల్లి నాయకులు, విద్యార్థులు పాల్గొన్నారు.

ఫోటో రైటప్ :

17 పిఆర్ జి 01లో క్రీడాకారులను నగదు బహుమతి అందజేస్తున్న ఎమ్మెల్యే కొప్పుల మహేశ్ రెడ్డి తదితరులు