కేసముద్రం ఆగస్టు 22 జనం సాక్షి  / మండలంలోని సర్వాపురం గ్రామానికి చెందిన భూక్య సైదులును తాళ్లపూసపల్లి గ్రామంలో టిఆర్ఎస్ జిల్లా నాయకులు రావుల రవిచందర్రెడ్డి ఘనంగా సన్మానించారు. గత నెల గోవా రాష్ట్రంలో జరిగిన జాతీయస్థాయి అండర్ 17 ఇయర్స్ వాలీబాల్ విభాగంలో ప్రథమ స్థానం సాధించి, తెలంగాణ జట్టు తరపున కీలక పాత్ర పోషించి బెస్ట్ స్పైకర్ గా పదివేల రూపాయల నగదు బహుమతి భూక్య సైదులు గెలుచుకున్నాడు.ఈ సందర్భంగా జడ్.పి.హెచ్.ఎస్  హెచ్ఎం (తాళ్ల పూస పల్లి) కాలేరు యాదగిరి మాట్లాడుతూ… ప్రతి విద్యార్థి కష్టపడితే ఏదైనా సాధించవచ్చు అని,ఉన్నతమైన శిఖరాలను అధిరోహించి పాఠశాలకు మంచి పేరు తేవాలని, కన్న తల్లిదండ్రులకు గుర్తింపు తీసుకురావాలని తెలియపరిచారు. సైదులు ను అభినందిస్తూ మంచి భవిష్యత్తు ఉందని తెలిపారు. ఈ కార్యక్రమంలో ఎస్ఎంసి చైర్ పర్సన్ సుధాకర్, కొమురయ్య ,ఉపాధ్యాయ బృందం కోటి, గోపికృష్ణ, సోమయ్య, కుమారస్వామి, మల్లారెడ్డి , ఫహీం, వ్యాయామ ఉపాధ్యాయుడు ఎండి నసీరుద్దీన్ పాల్గొన్నారు.