( జనంసాక్షి)న్యూస్.ఈ నెల 17న సూర్యాపేటలో జరగనున్న జిల్లా ఆర్యవైశ్య సంఘం నూతన కార్యవర్గ ప్రమాణ స్వీకార మహోత్సవాన్ని జయప్రదం చేయాలని ఆర్యవైశ్య సంఘం మండల అధ్యక్షులు రాచకొండ రామ్మోహన్ రావు కోరారు. శుక్రవారం స్థానిక విలేకరులతో ఆయన మాట్లాడుతూ సూర్యాపేట పట్టణంలోని సాయిబాబా గుడి సమీపంలో గల రవి కన్వెన్షన్ హాలులో ప్రమాణ స్వీకార మహోత్సవ కార్యక్రమం ఏర్పాటు చేసినట్లు తెలిపారు.ఆదివారం ఉదయం 8 గంటలకు స్థానిక పాల్వాయి రమేష్ వాణిజ్య సముదాయం నుండి సూర్యాపేట పట్టణానికి తరలి వెళ్ళనున్నట్లు తెలిపారు. జిల్లా ఆర్యవైశ్య సంఘం లో పలువురికి చోటు*ఆర్యవైశ్య సంఘం జిల్లా కార్యవర్గంలో పట్టణానికి చెందిన పలువురికి చోటు దక్కింది. ఉపాధ్యక్షులుగా రాచకొండ రామ్మోహన్ రావు, తడకమళ్ళ లక్ష్మీనరసింహస్వామి, రాచకొండ శ్రీనివాసరావు భువనగిరి అంజయ్య,పోలా విశ్వనాథం, కందిబండ శ్రీనివాసరావు,జిల్లా సహాయ కార్యదర్శులు గా గోళ్ళ సుధాకర్,మాశెట్టి సైదయ్య,యీగా శ్రీనివాసరావు, ఊటుకూరు నటరాజ్, పోలిశెట్టి వెంకటేశ్వర్లు, జిల్లా కార్యవర్గ సభ్యులుగా గజ్జల కోటేశ్వరరావు, ఉప్పల పుల్లయ్య, మురారి శెట్టి రమేష్ లు కూడా ప్రమాణ స్వీకారం చేయనున్నారు.