తొరూరు 12 ఆగస్టు (జనంసాక్షి)    మండలంలోని సమీకృత సాంఘిక సంక్షేమ బాలుర వసతి గృహ సముదాయం నందు గల విద్యార్థులకు మహిళల ఆధ్వర్యంలో రాఖీ పండుగ ఘనంగా నిర్వహించడం జరిగింది ఈ కార్యక్రమంలో విద్యార్థులందరికీ రాఖీలు కట్టి మిఠాయిలు పంచి వారికి అక్షింతలు వేసి వారు ఉన్నత చదువులు చదివి గొప్పవారై ఉన్నత శిఖరాలకు చేరుకోవాలని ఆకాంక్షిస్తూ పండుగ వాతావరణంలో ఈ కార్యక్రమాన్ని ఘనంగా నిర్వహించడం జరిగింది. ఈ సందర్భంగా సోదర భావంతో తమకు రాఖీలు కట్టడానికి వచ్చిన మహిళా ప్రతినిధులకు హాస్టల్ విద్యార్థులు కృతజ్ఞతలు తెలుపుతూ హర్షాన్ని వ్యక్తం చేశారు.
ఈ కార్యక్రమంలో డిపిఎం  నలిని మండల సమాఖ్య అధ్యక్షురాలు  నాగమణి సీసీలు శ్రీమతి పద్మావతి ఉషారాణి మండల సమాఖ్య అకౌంటెంట్ శ్రీమతి మమత మాజీ అధ్యక్షులు  లలిత హాస్టల్ సిబ్బంది తదితరులు పాల్గొన్నారు.