భైంసా రూరల్ జనం సాక్షి ఆగస్టు30 జాతీయ క్రీడా దినోత్సవమును పురస్కరించుకొని జిల్లా యోగ, క్రీడల అసోసియేషన్ వారు మంగళవారం నిర్మల్ పట్టణములో నిర్వహించిన అంతర్ జిల్లా యోగా పోటీలో పట్టణములోని శ్రీ మేధా హై స్కూల్ విద్యార్థులు విజేతలై ప్రభంజనాన్ని సృష్టించారు. సూర్యవంశీ అంజలి 8వ తరగతి జిల్లా ఐదవ ర్యాంకు సాధించగా కదం రిషికేష్ తొమ్మిదవ తరగతి విద్యార్థి నాలుగవ ర్యాంకు సాధించాడు. విజేతలైన విద్యార్థులకు బుధవారం పాఠశాల ప్రిన్సిపాల్ సిందే సాయినాథ్ పాటిల్, కరస్పాండెంట్ ఎం శ్రీకాంత్, గాంధీ బాలా సేవా సంఘం వ్యవస్థాపక అధ్యక్షులు జాదవ్ పుండలిక్ రావు పాటిల్, యోగా ఉపాధ్యాయుడు భాస్కర్, ఉపాధ్యాయులు, విద్యార్థులు సన్మానించి, అభినందించారు.