నేరేడుచర్ల(జనంసాక్షి)న్యూస్.మండలంలో కల్లూరు గ్రామానికి చెందిన సిరికొండ సాయి కిరణ్ జేఈఈ మెయిన్స్ 2022 ఫలితాలలో ఆల్ ఇండియా 723 ర్యాంకు తో అత్యుత్తమ ఫలితాన్ని సాధించాడు. కల్లూరు గ్రామానికి చెందిన సిరికొండ ముక్కంటి, సిరికొండ లింగమ్మ ల కుమారుడు సాయికిరణ్ హైదరాబాద్ నారాయణ కాలేజీలో ఇంటర్మీడియట్ పూర్తి చేశాడు. ఈనెల 7న ప్రకటించిన జేఈఈ మెయిన్స్ ఫలితాలలో ఆల్ ఇండియా 723 ర్యాంకు సాధించి సత్తా చాటాడు.సిరికొండ సాయి కిరణ్ పదవతరగతి విద్యాభ్యాసం నేరేడుచర్ల “పినాకిల్” స్కూల్లో విద్యను అభ్యసించాడు.అత్యుత్తమ ఫలితాలు సాధించిన సాయికిరణ్ ను తల్లిదండ్రులతో పాటు పినాకిల్ స్కూల్ రెస్పాండెంట్ మదార్, స్కూల్ టీచర్స్ మరియు కల్లూరు గ్రామ ప్రజలు అభినందించారు.