టేకులపల్లి సెప్టెంబర్ 20( జనం సాక్షి): టేకులపల్లి మండలంలోని పలు పాఠశాలలను జిల్లా విద్యాశాఖ అధికారి సోమశేఖర శర్మ మంగళవారం ఆకస్మికంగా సందర్శించి తనిఖీ చేశారు. టేకులపల్లి లోని కేజీబీవీ పాఠశాలను, ప్రాథమిక పాఠశాలను, సులానగర్ జిల్లా పరిషత్ ప్రాథమికోన్నత పాఠశాలను సందర్శించి విద్యార్థుల తరగతి గదులకు వెళ్లి ఉపాధ్యాయులు బోధన చేస్తున్న పాఠ్యాంశాలపై విద్యార్థులకు ప్రశ్నలు వేసి విద్యార్థుల ప్రతిభను తెలుసుకున్నారు. అదేవిధంగా మధ్యాహ్న భోజన సమయంలో వెళ్లడంతో పరిశీలించి సంతృప్తి వ్యక్తం చేశారు. సీజనల్ వ్యాధుల పట్ల విద్యార్థులపై శ్రద్ధ వహించాలని, కలుషిత నీరు ఆహారం పట్ల పలు జాగ్రత్తలు తీసుకోవాలని సూచనలు చేశారు.