మునగాల, సెప్టెంబర్ 20(జనంసాక్షి): సూర్యాపేట జిల్లా మునగాల మండలం నర్సింహులగూడెం గ్రామానికి చెందిన లారీ డ్రైవర్ షేక్ పాషా గత కొద్దిరోజుల క్రితం అనారోగ్యంతో మృతిచెందిన విషయం విదితమే. అయితే డ్రైవర్ కుటుంబానికి తోటి డ్రైవర్లైన శ్రీ రామాంజనేయ లారీ ట్రాన్స్పోర్ట్ లారీ డ్రైవర్లు మృతుని కుటుంబానికి 2లక్షల యాభై వేల రూపాయల ఆర్థిక సహాయాన్ని మంగళవారం అందించారు. ఈ కార్యక్రమంలో శ్రీ రామాంజనేయ లారీ ట్రాన్స్పోర్ట్ లారీ డ్రైవర్లు నాగు శంకర్, ముస్కు ఆంజనేయులు, సైదా, మదార్, గోపీ, శ్రీను, వీరబాబు తదితరులు పాల్గొన్నారు.