సూర్యాపేట టౌన్ (జనంసాక్షి):డిటిఎఫ్ రాష్ట్ర అధ్యక్షులుగా సోమయ్య ఎన్నిక పట్ల సూర్యాపేట జిల్లా శాఖ పక్షాన హర్షం వ్యక్తం చేస్తున్నట్లు ఆ సంఘ జిల్లా అధ్యక్షులు రేపాక లింగయ్య గురువారం ఒక ప్రకటనలో తెలిపారు.ఈ సందర్భంగా సోమయ్యకు శుభాకాంక్షలు తెలియజేశారు.నూతనంగా సంఘ రాష్ట్ర అధ్యక్షులుగా ఎన్నికైన సోమయ్య గతంలో సూర్యాపేట పట్టణంలోని ఏంఏఏం ప్రభుత్వ ఉన్నత పాఠశాలలో తెలుగు ఉపాధ్యాయులుగా పని చేశారని, ఇక్కడి ఉపాధ్యాయులకు సుపరిచితులని తెలిపారు.ఆయన నాయకత్వంలో డిటిఎఫ్ అభివృద్ధి పథంలో పయనిస్తుందని ఆశిస్తున్నట్లు పేర్కొన్నారు.సూర్యాపేట జిల్లా నుండి సిహెచ్ వెంకటేశ్వర్లు మూడవ సారి రాష్ట్ర ఆడిట్ కమిటీ సభ్యులుగా ఎన్నికైనట్లు చెప్పారు.సంఘ జిల్లా ప్రధాన కార్యదర్శి బివి రావు , దశరథ రామారావు, పబ్బతి వెంకటేశ్వర్లు , యోగానంద్, ఆరోగ్యమ్మ , ఆనంద్ భాస్కర్ , వేణు,రమణ, కవిత, సిద్దిఖ్ పాషా, వెంకటేశ్వర్లు, ప్రభాకర్, క్రాంతికుమార్, రాజశేఖర్ , రామకృష్ణ తదితరులు సోమయ్యకు శుభాకాంక్షలు తెలియజేశారు.