మోత్కూరు జూలై 21 జనంసాక్షి : మోత్కూర్ మున్సిపల్ కేంద్రం డ్రైవర్స్ కాలనీ లో తాళం వేసిన ఇంట్లో గుర్తుతెలియని దుండగులు చోరీకి పాల్పడ్డారు. ఈ ఘటన ఆలస్యంగా గురువారం రోజున వెలుగులోకి  వచ్చింది. బాధితురాలు పోలీసులకు తెలిపిన కధనం ప్రకారం,మోత్కూర్ మునిసిపల్ కేంద్రంలోని డ్రైవర్స్ కాలనిలో పొన్నెబొయిన యాదగిరి ఇంటికి తాళం వేసి తన కొడుకు ఆరోగ్యం బాగులేకపోవడం తో నల్గొండ లో ఓ ప్రైవేట ఆసుపత్రి తీసుకువెళ్లారు. తనకు పాలుపోసే అతను వచ్చి చూడగా ఇంటికి తాళం లేకపోవడంతో ఫోన్లో సమాచారం ఇవ్వగా తన భార్య యాదమ్మ ఇంటికి చేసురుకొని పరిశీలించగా బీరువాలో దాచిన 50 తులాల వెండి కనిపించకపోవడంతో చోరీ జరిగిందని భావించి పోలీలులకు సమాచారం అందించారు. ఎస్సై వి.జానకిరాం రెడ్డి సంఘటన స్థలానికి చేరుకొని పరిశీలించారు.భువనగిరి నుండి క్లూస్ టీమ్ సిబ్బంది వచ్చి ఆధారాలు సేకరించారు.బాధితురాలి పిర్యాదు మేరకు కేస్ నమోదు చేసుకొని దర్యాప్తు చేస్తున్నట్టు ఎస్సై తెలిపారు.