టేకులపల్లి, సెప్టెంబర్ 8( జనం సాక్షి) : మండల పరిధిలోని తూర్పు గూడెం వినాయక మండపంలో ఉత్సవ కమిటీ ఆధ్వర్యంలో గురువారం మహా అన్నదాన కార్యక్రమాన్ని నిర్వహించారు. ఈ అన్నదాన కార్యక్రమానికి టిఆర్ఎస్ మండల అధ్యక్షులు బొమ్మెర్ల వరప్రసాద్ ముఖ్య అతిథిగా పాల్గొని అన్నదాన కార్యక్రమాన్ని ప్రారంభించారు. నవరాత్రులు గణపతి పూజా కార్యక్రమాలు దిగ్విజయంగా నిర్వహిస్తూ గ్రామంలో మహా అన్నదాన కార్యక్రమం చేపట్టడం ఎంతో శుభసూచకమని ఆయన అన్నారు. ఈ కార్యక్రమానికి టీఆర్ఎస్ ప్రచార కార్యదర్శి జాటోత్ నరేష్ నాయక్, ఎంపీటీసీ జాలాది అప్పారావు, ధారావత్ బాలాజీ, పి ఆర్ కాలే, పూజారి, గ్రామస్తులు పాల్గొన్నారు.