తెలంగాణలో పెట్టుబడులు పెట్టాలని ఎన్ఆర్ఐ లకు పిలుపునిచ్చిన ఉప్పుల
ఎల్బీనగర్( జనం సాక్షి ) టెక్సాస్‌లోని డల్లాస్‌లోని అవర్ ప్లేస్‌లో డల్లాస్ ఎన్నారై వి ఎ ఆధ్వర్యంలో తెలంగాణ రాష్ట్ర టూరిజం డెవలప్మెంట్ కార్పొరేషన్ చైర్మన్ ఉప్పల శ్రీనివాస్ గుప్త ని ఘన సన్మానం చేశారు . రాష్ట్రంలో పారిశ్రామిక అభివృద్ధిని వేగవంతం చేయడానికి , తెలంగాణ రాష్ట్రంలో కేసీఆర్ , కెటి ఆర్ ప్రవేశపెట్టిన వివిధ కార్యక్రమాలు పెట్టుబడుల గురించి చర్చించారు. ఈ సందర్బంగా ఉప్పల శ్రీనివాస్ గుప్త మాట్లాడుతూ తెలంగాణను పెట్టుబడులకు అనుకూలమైన గమ్యస్థానంగా మార్చడానికి, రాష్ట్ర ప్రభుత్వం టి ఎస్ ఐపాస్ ని అమలులోకి తెచ్చిందనిఅన్నారు . తెలంగాణలోని వివిధ చారిత్రక ప్రదేశాలు, స్మారక చిహ్నాలు, కోటలు, జలపాతాలు , దేవాలయాలను సందర్శించడం ద్వారా యువతకు ఉపాధి కల్పించడానికి , తెలంగాణ పర్యాటకాన్ని ప్రోత్సహించడానికి తెలంగాణలో పెట్టుబడులు పెట్టాలని ఎన్ఆర్ఐ లను ప్రోత్సహిస్తుందని తెలిపారు .. తెలంగాణ పర్యాటక శాఖ మంత్రి వి శ్రీనివాస్ గౌడ్ పర్యవేక్షణలో అభివృద్ధి చేయబడుతుందని అన్నారు . ఈ కార్యక్రమం లో డల్లాస్ ఎన్నారై వి ఎ ప్రతినిధులు లక్ష్మీ కాంబోజి, సుధాకర్ పెన్నం, శ్రీనివాస్ తదితరులు పాల్గొన్నారు
