బషీరాబాద్ ఆగస్టు 04,(జనం సాక్షి) బషీరాబాద్ మండల కేంద్రంలో అంబేద్కర్ విగ్రహం వద్ద రైతులతో కలిసి బిఆర్ఎస్ నాయకులు సీఎం కేసీఆర్ చిత్రపటానికి పాలాభిషేకం చేశారు. ఈ సందర్భంగా బషీరాబాద్ బిఆర్ఎస్ పార్టీ అధ్యక్షులు ఇందర్ చెడ్ రాజు రెడ్డి (నర్సిరెడ్డి) మాట్లాడుతూ మన తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖర రావు రైతులకు రుణమాఫీ చేయడం చాలా సంతోషకరమైన విషయం అని, అదేవిధంగా రైతుల కోసం రైతుబంధు,రైతు బీమా ఎన్నో పథకాలను ప్రవేశ పెట్టిన ఏకైక ప్రభుత్వం మన బిఆర్ఎస్ ప్రభుత్వమని తెలిపారు. ఈ కార్యక్రమంలో పిఎసిఎస్ చైర్మన్ వెంకట్రామిరెడ్డి,మాజీ బిఆర్ఎస్ మండల అధ్యక్షులు రాము నాయక్,బిఆర్ఎస్ సీనియర్ నాయకులు రవీందర్ సింగ్ తన్వార్,నర్సిములు, పవన్ ఠాగూర్,నరేష్ చవాన్,సునీల్ ప్రసాద్,బిఆర్ఎస్ నాయకులు, రైతులు,తదితరులు పాల్గొన్నారు.