శివ్వంపేట సెప్టెంబర్ 14 జనంసాక్షి : ప్రస్తుతం ఆర్థిక ఇబ్బందులు పడుతున్న చిన్ననాటి మిత్రునికి వారితో పాటుగా పదో తరగతి చదువుకున్న పూర్వ విద్యార్థులు ఆర్థిక సహాయం అందించి, బతుకుదెరువు భరోసా కల్పించిన అమూల్యమైన అభినందనీయ ఘటన శివ్వంపేట మండలంలోని గోమారం గ్రామంలో బుదవారం జరిగింది. వివరాల్లోకి వెళితే  గోమారం జిల్లా పరిషత్ ఉన్నత పాఠశాల 2001 2002 టెన్త్ క్లాస్ బ్యాచ్ కు చెందిన గోమారం గ్రామానికీ చెందిన నర్సింలు పదో తరగతి చదివి టివి మెకానిక్ గా పనిచేస్తూ ఆర్థికంగా ఇబ్బందులు పడుతున్న విషయం తెలుసుకున్న తన సహచర పదో తరగతి చిన్ననాటి స్నేహితులు అతనికి 38 వేల రూపాయల ఆర్థిక సహాయాన్ని అందజేశారు. టీవీ మెకానిక్ షాప్ నడిపించుకోవడం కోసం అవసరమయ్యే పనిముట్ల కొనుగోలు చేయడం కోసం ఆర్థికసాయం అందించడం జరిగినదని బోల్ల ఆంజనేయులు తెలిపారు. తన కుటుంబ బాధలను అర్థం చేసుకుని తనకు ఆర్థికసాయం అందించిన తన టెన్త్ క్లాస్ మిత్రులు నాగేందర్, నరేందర్, నవీన్ రెడ్డి, శ్రీనివాస్ రెడ్డి, బిక్షపతి, ఆంజనేయులు, రాజిరెడ్డి, శ్రీనివాస్, చెన్నాపూర్ పారిశుధ్య కమిటీ చైర్మన్ బోళ్ల  ఆంజనేయులుకు, నర్సింలు దంపతులు కృతజ్ఞతలు తెలియజేశారు.