పాల్గొన్న మంత్రులు సబితా ఇంద్రారెడ్డి, మల్లారెడ్డి

మేడిపల్లి – జనంసాక్షి

పీర్జాదిగూడ మున్సిపల్ కార్పొరేషన్ పరిధిలోని బాలాజీ ఫంక్షన్ హల్లో మేడ్చల్ మల్కాజ్గిరి జిల్లా గ్రంధాలయ చైర్మన్ దర్గా దయాకర్ రెడ్డి అభినందన సభ సోమవారం నిర్వహించారు. ముఖ్య అతిథులుగా విద్యాశాఖ మంత్రివర్యులు సబితా ఇంద్ర రెడ్డి, కార్మిక శాఖ మంత్రి మల్లారెడ్డి పాల్గొని దయాకర్ రెడ్డికి శుభాకాంక్షలు తెలిపారు. భవిష్యత్ లో మరిన్ని ఉన్నతమైన పదవులు అలంకరించాలని ఆకాంక్షించారు. ఈ సందర్భంగా తన నియామకానికి  సహకరించిన ప్రతి ఒక్కరికీ దయాకర్ రెడ్డి పేరుపేరునా కృతజ్ఞతలు తెలిపారు. ఈ కార్యక్రమంలో రాష్ట్ర గ్రంధాలయ శాఖ చైర్మన్ శ్రీధర్, మేయర్లు, డిప్యూటీ మేయర్లు, మున్సిపల్ చైర్మన్లు, వైస్ చైర్మన్లు, కార్పొరేటర్లు, కౌన్సిలర్లు, నాయకులు, అధికారులు, తదితరులు పాల్గొన్నారు.