జహీరాబాద్ అక్టోబర్ 14( జనం సాక్షి),జహీరాబాద్ ప్రజల గుండెల్లో సుస్థిర స్థానం సంపాదించుకున్న గొప్ప మానవతావాది ఉమ్మడి ఆంధ్రప్రదేశ్ రాష్ట్ర మాజీ మంత్రి ,తెరాస పార్టీ రాష్ట్ర ప్రధాన కార్యదర్శి,తెలంగాణ రాష్ట్ర మాజీ ఎమ్మెల్సీ మహమ్మద్.ఫరిదుద్దిన్ కు స్థానిక టిఆర్ఎస్ నాయకులు ఘానా నివాళులర్పించారు. శుక్రవారం ఆయన జయంతి సందర్బంగా అభిమానుల అధ్వర్యంలో జహీరాబాద్ ఏరియా ప్రభుత్వ ఆసుపత్రి లో రోగులకు,బాలింతలకు పండ్ల పంపిణీ కార్యక్రమం,అనంతరం ర్యాలీగా ఐబి గెస్ట్ హౌస్ వద్ద కు వెళ్లి ఫరిదుద్దిన్ చిత్రపటానికి పూలమాలలు వేసి నివాళులర్పించారు ఈ సందర్భంగా పలువురు నాయకులు మాట్లాడుతూ కులాలకు, మతాలకు అతీతంగా సేవలు అందించారని తన జీవితం ప్రజా సేవకు అంకితం చేశారన్నారు. జై ఫరీద్ సాబ్ , ఫరిద్ సాబ్ ఆశయాలు సాధించాలి అంటూ కార్యకర్తలు నాయకులు జోహార్లు తెలిపారు. కార్యక్రమంలో అభిమానులు,తెరాస పార్టీ నాయకులు, జెడ్పీటీసీ లు,మున్సిపల్ మాజీ చైర్మన్లు,మాజీ మున్సిపల్ కౌన్సిలర్లు,సర్పంచ్లు,ఎంపీటీసీలుతెరాస పార్టీ మాజీ,
పట్టణ,వార్డ్ అధ్యక్షులు,సీనియర్ నాయకులు,కార్యకర్తలు ఇట్టి కార్యక్రమంలో పాల్గొన్నారు.