దౌల్తాబాద్ సెప్టెంబరు 25, జనం సాక్షి.

విద్యుత్ షాక్ తో ఓ రైతు మృతి చెందిన సంఘటన దౌల్తాబాద్ మండలం దీపాయంపల్లి గ్రామంలో ఆదివారం చోటుచేసుకుంది. పోలీసుల, గ్రామస్థుల కథనం ప్రకారం వివరాలు ఈ విధంగా ఉన్నాయి. గ్రామానికి చెందిన మస్కూరి చంద్రయ్య (52) ఉదయం తన వ్యవసాయ పొలం వద్దకు వెళ్లి వస్తానని కుటుంబ సభ్యులకు చెప్పి తిరిగి రాకపోవడంతో భార్య మస్కూరి లలిత పలుసార్లు ఫోన్ చేయగా లిఫ్ట్ చేయకపోవడంతో పొలం వద్దకు వెళ్లి చూడగా స్టార్టర్ డబ్బా వద్ద మృతి చెంది ఉన్నాడని భార్య లలిత పోలీసులకు ఇచ్చిన ఫిర్యాదులో పేర్కొన్నారు. చంద్రయ్య అందరితో కలుపుగోలుపుగా ఉంటూ మృతి చెందడంతో గ్రామంలో తీవ్ర విషాద ఛాయలు అలుముకున్నాయి. ఈ మేరకు దౌల్తాబాద్ ఎస్సై చైతన్య కుమార్ రెడ్డి కేసు నమోదు చేసి దర్యాప్తు చేస్తున్నట్లు తెలిపారు. శవాన్ని పంచనామ నిమిత్తం కొరకు గజ్వేల్ ప్రభుత్వ ఆసుపత్రికి తరలించారు. మృతునికి భార్య,ముగ్గురు కుమార్తెలు ఉన్నారు.