దోపిడికి పాల్పడిన ఇద్దరు దొంగల అరెస్ట్

వరంగల్ ఈస్ట్, జూలై 22 (జనం సాక్షి):

దోపిడీకి పాల్పడ్డ ఇద్దరు దొంగలను పోలీసులు అరెస్టు చేశారు ఈ అరెస్ట్ కు సంబంధించి వరంగల్ పోలీస్ కమిషనర్ డా.తరుణ్ జోషి వివరాలను వెల్లడిస్తూ వరంగల్ నగరంలోని బి.ఆర్ నగర్ కు చెందిన అజారుద్దీన్, వయస్సు 26, ఓరుగంటి రాజు, వయస్సు 25 సంవత్సరాలు, నిందితులు ఇద్దరు ఒకే ప్రాంతానికి చెందిన వారు కావడంతో వీరూ ఇరువురు బాల్య స్నేహితులు. ఇద్దరు నిందితులు ఇద్దరు చదువు మధ్యలో అపివేసి ఎలక్ట్రిషన్ గా పనిచేసేవారు. దీని ద్వారా వీరికి వచ్చే అదాయంతో పాటు అప్పులు చేసి మద్యం సేవిస్తూ, జల్సాలు చేయడం చేసారు. దీనితో వీరికి అప్పులు అధికం కావడంతో పాటు వీరి జల్సాలకు డబ్బు లభించకపోవడంతో సులువు డబ్బు సంపాదించాలకున్నారు. ఇందులో భాగం వీరి ప్రాంతంలోనే ఒంటరి నివసిస్తున్న వృద్ధ మహిళ ఒంటిపై వున్న బంగారు గొలుసుపై నిందితుల దృష్టి పడింది. ముఖ్యంగా సదరు వృద్ధ మహిళకు కంటిచూపుతో పాటు, వినికిడి లోపంకూడా వుందడంతో నిందితులు వృద్దురాలి ఒంటిమీద వున్న బంగారు గొలుసును చోరీ చేసేందుకు సిద్ధమయినారు. దోపిడి చేసే ప్రక్రియ లో నిందితులు ముందుగా వృద్దురాలి ఇంటి పరిసరాలపై రెక్కీ నిర్వహించి అనంతరం. నిందితులు ఈ నెల 15వ తేది అర్థరాత్రి సమయంలో వృద్ధురాలి ఇంటివెళ్ళి బలవంతంగా తలుపులు తోసి ఇంటిలోకి చొరబడ్డ నిందితులు మంచంపై నిద్రిస్తున్న వృద్ధురాలిపై దాడి చేసి ఆమె ఒంటి మీద వున్న పుస్తెల త్రాడు చోరీ చేసి ద్విచక్రవాహనంపై పారిపోయినారు.

ఈ సంఘటనపై కేసు నమోదు చేసుకున్న మీల్స్ కాలనీ పోలీసులు క్రైమ్స్ అదనపు డిసిపి పుష్పారెడ్డి అదేశాల మేరకు సిసిఎస్ మరియు మీ కాలనీ పోలీసులు సంయుక్తంగా కలిసి దర్యాప్తు చేపట్టారు. పోలీసులకు అందుబాటులో వున్న పరిజ్ఞానాన్ని వినియోగించుకోని దర్యాప్తు చేస్తున్న పోలీసులు నిందితుల కదలికలపై నిఘా పెట్టారు. ఈ రోజు ఉదయం ఉర్సు గుట్ట బ్రిడ్జ్ పై వాహనాలు తనిఖీ చేస్తున్న సమయంలో చోరీ సొత్తును బంగారం మార్కెట్ లో అమ్మేందుకుగా ద్వి వాహనంపై వస్తున్న నిందితులను పోలీసులు అపి తనిఖీ చేయగా నిందితుల వద్ద బంగారు గొలుసును గుర్తించిన పోలీసులు నిందితులను అదుపులో తీసుకోని విచారించగా నిందితులు పాల్పడిన నేరాన్ని పోలీసుల ఎదుట అంగీకరించారు.

నిందితులను పట్టుకోవడంలో ప్రతిభ కనబరిచిన ట్రాఫిక్ అండ్ క్రైమ్స్ అదనపు డిసిపి పుష్పారెడ్డి, క్రైమ్స్ ఏసిపి డేవిడ్ రాజు సిసిఎస్ ఇన్ స్పెక్టర్లు రమేష్ కుమార్, శ్రీనివాసరావు, మీల్స్ కాలనీ ఇన్స్ స్పెక్టర్ శ్రీనివాస్, సిసిఎస్ ఎస్.ఐలు సంపత్ కుమార్, యాదగిరి, ఏఏఓ సల్మాన్ పాషా, ఏఎస్.ఐ శివకుమార్, హెడ్ కానిస్టేబుల్ మహ్మమద్ ఆలీ, కానిస్టేబుల్లు చంద్రశేఖర్, నజీరుద్దీన్ మీ కాలనీ పోలీస్ సిబ్బందిని పోలీస్ కమిషనర్ అభినందించారు.