రాయపోల్ (జనంసాక్షి) సెప్టెంబర్ 01 : బర్రె తాడు ద్విచక్ర వాహనానికి తట్టి ఓ వ్యక్తి మృతి చెందిన సంఘటన గజ్వేల్ మండల పరిధిలోని బయ్యారం గ్రామ శివారులో చోటుచేసుకుంది. స్థానికుల వివరాల ప్రకారం.. రాయపోల్ మండలం ముంగిసపల్లి గ్రామానికి చెందిన మాణెం సతీష్ కుమార్ గజ్వేల్ పట్టణంలో షాపు నడుపుతూ జీవనం సాగిస్తున్నారు. బుధవారం రాత్రి పనులు ముగించుకుని తన సొంత  గ్రామమైన ముంగిసపల్లికి బైక్ పై వెళుతున్న క్రమంలో బయ్యారం గ్రామ శివారులో పెద్ద తాడుతో బర్రెను కట్టి వేయడంతో తాడు బైకుకు చుట్టుకొని సతీష్ కుమార్ కు తీవ్ర గాయాలయ్యాయి. వెంటనే గజ్వేల్ ఏరియా ఆసుపత్రికి తరలించారు. చికిత్స పొందుతూ మృతి చెందారు. మృతునికి భార్య స్వాతి, ఓ కుమార్తె, ఓ కుమారుడు ఉన్నారు.