నందులపల్లిలో గాంధీ జయంతి వేడుకలు.
: మహాత్మా గాంధీ చిత్ర పటానికి నివాళులు అర్పిస్తున్న పాలకవర్గం.
నెన్నెల, అక్టోబర్2,(జనంసాక్షి)
నెన్నెల మండలం నందులపల్లి గ్రామపంచాయతీ కార్యాలయంలో ఆదివారం జాతిపిత మహాత్మాగాంధీ జయంతి వేడుకలను ఘనంగా నిర్వహించారు. గ్రామ పంచాయితీ కార్యాలయంలో మహాత్మా గాంధీ చిత్ర పటానికి పూల మాలలు వేసి నివాళులర్పించారు. ఈసందర్భంగా సర్పంచ్ బోయిని మల్లేష్ మాట్లాడుతూ భారత దేశ స్వాతంత్ర్య పోరాటంలో కొల్లాయి కట్టి దండియాత్ర, ఉప్పు సత్యాగ్రహం ఉద్యమాలతో ఆంగ్లేయుల గుండెల్లో రైళ్లు పరిగెత్తించి దేశ స్వాతంత్ర్య పోరాటంలో ముందుండి నడిపించిన గొప్ప వ్యక్తి అని ఆయన సేవలను కొనియాడారు. ఈకార్యక్రమంలో పంచాయతీ కార్యదర్శి పద్మనాభం, అంగన్వాడీ టీచర్ చెన్నోజు సరళ దేవి, వార్డు సభ్యులు పాల్గొన్నారు.
