అచ్చంపేట ఆర్సీ,29జులై,జనంసాక్షి న్యూస్ : నియోజకవర్గ పరిధిలోని మండలాల, గ్రామాలతో పాటు స్థానిక పట్టణంలో పలు మసీదులు, కూడళ్లలో ముస్లిములు మొహర్రం వేడుకలను హిందు ముస్లింలు మత సామరస్యం, ఐక్యతతొ భక్తి శ్రద్ధలతో పీర్ల పూజలు చేసి అలయ్ బలయ్ దుంకుతూ శనివారం నాడు నిర్వహించారు.ఈ సందర్భంగా అంబెడ్కర్ చౌరస్తాలో మైనార్టీ యువకులు బెల్లం పానకం, పాల పానకం ప్రజలకు పంపిణీ చేశారు అనంతరం వారు మాట్లాడుతూ…మొహర్రం త్యాగానికి ఐక్యతకు మతసామరస్యానికి ప్రతీకగా పండుగను జరుపుకుంటారని, ఇస్లామిక్ క్యాలెండర్ ప్రకారం మొహరం నూతన సంవత్సరం ప్రారంభాన్ని సూచిస్తుం దని మొహర్రం మాసాన్ని పవిత్ర దినంగా, అల్లా మాసంగా కూడా పిలుస్తారని మహమ్మద్ ప్రవక్త మనవడు హుస్సేన్ ఇబ్ని అలీ మరణాన్ని కర్బాల యుద్ధంలో హత్యకు గురైన ఇమామ్ హుస్సేన్లను స్మరించుకుంటూ మొహరం మాసంలో వీరి మరణానికి సంతాపాన్ని ప్రకటిస్తూ వారి త్యాగాన్ని గుర్తు చేసుకుంటాము అని తెలిపారు.కార్యక్రమంలో సాధిక్, సద్దాం,అన్వర్, రఫీ,ముజాబ్,ఇమ్రాన్,ఇలియాస్, మున్ను తదితరులు పాల్గొన్నారు.