మునగాల, సెప్టెంబర్ 8(జనంసాక్షి): గత 46 రోజుల నుంచి రిలే నిరాహారదీక్షలు చేస్తున్న సూర్యాపేట జిల్లా మునగాల మండలంలోని విఆర్ఏలు గురువారం తహశీల్దార్ కార్యాలయం నుండి కోదాడ నియోజకవర్గ కేంద్రంలో జరుగుతున్న వీఆర్ఏల బైక్ ర్యాలీ కార్యక్రమానికి తరలి వెళ్లారు. ఈ సందర్భంగా వీఆర్ఏలు మీడియాతో మాట్లాడుతూ, అసెంబ్లీ సాక్షిగా రాష్ట్ర ముఖ్యమంత్రి కేసిఆర్ ఇచ్చిన హామీలను వెంటనే అమలు చేసేవిధంగా తగు జివోను విడుదల చేయాలని వారు డిమాండ్ చేశారు. ముఖ్యమంత్రి కేసిఆర్ ఇచ్చిన హామీ నెరవేరే వరకు తమ నిరసనను కొనసాగిస్తామని మండల విఆర్ఎ జేఏసీ నాయకులు తెలిపారు. ఈ కార్యక్రమంలో వీఆర్ఏలు గట్టు ఉపేందర్, తాళ్లపాక వెంకటనారాయణ, ఎల్.వెంకన్న, ఆదిత్య, విజయ, విజయలక్ష్మి, సైదులు, నరేష్, ఖాసీం, శేఖర్ తదితరులు పాల్గొన్నారు.