నవంబర్ 13న జహీరాబాద్ లో పిల్లల పండగ జయప్రదం చేయండి
జహీరాబాద్ అక్టోబర్ 20 (జనంసాక్షి)జహీరాబాద్
పట్టణంలోని శ్రామిక్ విజ్ఞాన కేంద్రం ఆధ్వర్యంలో జహీరాబాద్ పిల్లల పండగ నవంబర్ 13న పిల్లల పండగ నిర్వహించనున్నట్టు పండుగను జయప్రదం చేయాలని జహీరాబాద్ పిల్లల పండుగ కన్వీనర్ డాక్టర్ విజయలక్ష్మి, ప్రైవేట్ స్కూల్స్ మేనేజ్మెంట్స్ అసోసియేషన్ అధ్యక్షుడు కృష్ణారెడ్డి విజ్ఞప్తి చేశారు. పండుగ కు సంబంధించిన పోస్టర్ ను శ్రామిక్ భవన్ లో విడుదల చేయడం జరిగింది. ఈసందర్భంగా.విజయలక్ష్మి, కృష్ణారెడ్డి లు మాట్లాడుతూ జహీరాబాద్ ప్రాంత విద్యార్థుల కోసం శ్రామిక్ విజ్ఞాన కేంద్రం ఆధ్వర్యంలో నిర్వహిస్తున్న పిల్లల పండగ కృషి,సేవా కార్యక్రమాలు అభినందనీయమని అన్నారు. విద్యార్థిని విద్యార్థులకు చదువు, వారి నాలెడ్జ్ పెంపుకు ఇలాంటి కార్యక్రమాలు అభినందనీయమని, అందులో భాగంగా నిర్వహించే జహీరాబాద్ పిల్లల పండగ అత్యంత జయప్రదంగా జరుగుతుందని ఆశాభావం వ్యక్తం చేశారు. ఈ కార్యక్రమంలో శ్రామిక్ విజ్ఞాన కేంద్రం మేనేజింగ్ ట్రస్టీ రాంచందర్,కార్యదర్శి డాక్టర్ .శివబాబు, కోశాధికారి ఎస్.మహిపాల్, ఇతర ప్రముఖులు చంద్రారెడ్డి, చంద్ర శేఖర్, వెంకటేశం, ప్రతాప్,వశిష్టా రెడ్డి,అశోక్ సిరిసి, తిరుపతి, ఎస్తేర్ రాణి, తదితరులు ఉన్నారు.
