చేర్యాల (జనంసాక్షి) జులై   : విద్యారంగ సమస్యల పరిష్కారానికి ముందుండి విద్యార్థుల సమస్యలపై సమరశీల పోరాటాలు నిర్వహిస్తున్న సంఘం ఎస్ఎఫ్ఐ అని సంఘం జిల్లా కార్యదర్శి ప్రశాంత్ అన్నారు. చేర్యాల పట్టణ కేంద్రంలో సోమవారం ముఖ్య కార్యకర్తల సమావేశం నిర్వహించారు. ఈ సందర్భంగా వారు మాట్లాడుతూ.. చేర్యాల పట్టణంలో నేడు ఎస్ఎఫ్ఐ మహాసభలు నిర్వహిస్తున్నట్లు తెలిపారు. దేశంలో రాష్టంలో విద్యా వ్యతిరేక విధానాలపై సమరశీల పోరాటాలు నిర్వహిస్తున్నామని, పెండింగ్ లో ఉన్న స్కాలర్ షిప్స్, ఫీజు రియంబేర్స్మెంట్ బకాయిల పై పోరాటాలు నిర్వహిస్తున్న సంఘం తమదేనని అన్నారు. ఈ కార్యక్రమంలో సంఘం చేర్యాల డివిజన్ అధ్యక్షుడు ఆముదాల రంజిత్ రెడ్డి, పట్టణ నాయకులు ఎండీ. సోహెల్ ,శివ యశ్వంత్ మణికంఠ, నితిన్ ,పవన్ ,భరత్  వంశీ, హరీష్ తదితరులు పాల్గొన్నారు.